யூத்ஃபுல் விகடனக்கு ஒரு குட்டு...

முதன் முதலில் என் பதிவு யூத்ஃபுல் விகடனில் வெளிவந்தவுடன் சந்தோசமாக இருந்தது. அதை பார்த்தவுடன் ஒரு யூத்ஃபுல் விகடனுக்கு ஒரு நன்றியும் என் பதிவு விகடனில் என்ற ஒரு தற்பெருமை பதிவையும் என்னை போல பலரும் எழுதுவார்கள். இது ஒரு தமிழ் பிளாகரின் கடமையாகவே பலரும் கருதிவருகின்றனர்.

இவ்வளவு ஏன் பலரும் அது எப்படிங்க விகடனில் என் பதிவு கொண்டுவருவது என்று நண்பர் வடிவேலுவும் பின்னூட்டத்தில் கேட்டுள்ளார். அட நம்ம கடைக்குட்டி அவருக்கும் விகடனில் வரும் ஆசையை கனவில் வந்துள்ளதாக ஒரு பதிவையும் வெளியிட்டுள்ளார். நான் படித்த வரையில் இதெல்லாம் இன்னும் நான் படிக்காமல் விட்டது எத்தனையோ.

இவ்வளவு மதிப்பும் மரியாதையும் நம் பிளாகர் சமூகமே அதன் மீது வைத்துள்ளது. இதை அனைத்தையும் தவிடு பொடியாக்கும் வகையில் வெளிவந்ததுதான் நேற்றைய குட் Blogs பகுதி. ஆம் நேற்றைய குட் Blogs பகுதியில் ஒரு பதிவு அப்படியே போனவாரம் ஒரு வாரப்பத்திரிக்கையில் வெளிவந்தது. காப்பி அடித்து அவர் எழுதியுள்ளார் அதுவும் குட் பிளாக்காம் கொடுமைடா சாமி. இதிலே இன்னோரு கொடுமை என்னன்னா அந்த வாரப்பத்திரிக்கையும் அதை எதோ ஒரு இடத்திலிருந்து சுட்டது. நம்மில் பலர் ஏற்க்கனேவே அதை படித்திருப்போம்.

எந்த அடிப்படையில் குட் பிளாக் தேர்ந்தெடுக்கப்படுகிறது? இந்த அளவிற்க்கு பெரிய பத்திரிக்கை இப்படியா??? யானைக்கும் அடி சருக்கும் என்பது இது தானோ??? இதே போல் முன்புபொரு முறை நம்ம தமிழ்நெஞ்சத்தின் ஒரு பதிவை ஒருவர் அப்படியே காப்பி செய்திருந்தார். அந்த காப்பி அடித்தவரின் பதிவு யூத்ஃபுல் விகடனில் வந்திருந்தது. அதை அடுத்து டூப்ளிகேட் பிரியர் விகடனாருக்கு நன்றி என்று ஒரு பதிவையும் போட்டார்.

எத்தனையோ நல்ல ஒரிஜினல் பிளாக்கர்கள் நம் பதிவு யூத்ஃபுல் விகடனில் வராதா என்று ஏங்கிகொண்டிருக்கின்றனர். ஒரு நாளைக்கு சராசரியாக் 5நிமிடத்திற்க்கு ஒரு பதிவு இந்த வலையுலகில் வெளியாகிறது. அதில் எத்தனையோ நல்ல ஒரிஜினல் பிளாக்குகள் உள்ளன. நான் அந்த வாரப்பத்திரிக்கயில் சுட்டவரை ஒன்றும் சொல்லவில்லை. அவர் படித்த நல்ல விஷயத்தை பகிர்ந்து கொண்டிருக்கிரார். இப்படியே போனால் விகடனிலிருந்து சுட்டு போட்டாலும் குட் பிளாக்கில் வெளிவரலாம் யார் கண்டார்???

இனி மேல் இந்த தவறு இல்லாமல் யூத்ஃபுல் விகடன் பார்த்துக்கொள்ளும் என்று தோன்றுகிறது.